اس طرف آنکھ کے رستے سے نکالے دھوکے

اس طرف آنکھ کے رستے سے نکالے دھوکے

اس طرف دل نے حسیں پھر نئے پالے دھوکے

کر دیا پہلے سرابوں کے حوالے اور پھر

میں نے پیاسے کو پکارا کہ سنبھالے دھوکے

ہر قدم پر رہا بیدار یہ نا بینا پن

کھا گئے یار مگر دیکھنے والے دھوکے

ایک دو ہو تو یقیں جان کے کر لوں لیکن

یار تو نے تو ہر اک بات میں ڈالے دھوکے

رقص کرتے ہیں اندھیروں میں تو عریاں شب بھر

اوڑھ کر رہتے ہیں دن بھر ہی اجالے دھوکے

دل کے حق میں تو وہ ہی ایک بشر دانہ ہے

موند کر آنکھ جو سینے سے لگا لے دھوکے

ریزہ ریزہ ہے مری پیاس یقینی لیکن

قطرہ قطرہ یہ ترے سارے پیالے دھوکے