us taraf kya hai ye kuchh khulta nahin
us taraf kyā hai ye kuchh khultā nahīñ
merā qad dīvār se ūñchā nahīñ
dekh aa.e us ko aur dekhā nahīñ
merī āñkheñ ab mirā hissa nahīñ
sone ko aa.ī samundar par havā
aur merā bādbāñ khultā nahīñ
gum haiñ sab apnī sadā ke shor meñ
maiñ jo kahtā huuñ koī suntā nahīñ
ham bhī us ko bhuul hī jaa.eñ 'nazar'
vo bhī ham ko yaad ab kartā nahīñ
us taraf kya hai ye kuchh khulta nahin
mera qad diwar se uncha nahin
dekh aae us ko aur dekha nahin
meri aankhen ab mera hissa nahin
sone ko aai samundar par hawa
aur mera baadban khulta nahin
gum hain sab apni sada ke shor mein
main jo kahta hun koi sunta nahin
hum bhi us ko bhul hi jaen 'nazar'
wo bhi hum ko yaad ab karta nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
