use barishon ne chura liya ki wo baadalon ka makin tha

use bārishoñ ne churā liyā ki vo bādaloñ kā makīn thā

kabhī muḌ ke ye bhī to dekhtā ki mirā vajūd zamīn thā

vahī ek sach thā aur us ke baa'd kī saarī tohmateñ jhuuT haiñ

mire dil ko puurā yaqīn hai vo mohabbatoñ kā amiin thā

use shauq thā ki kisī jazīre pe us ke naam kā phuul ho

mujhe pyaar karnā sikhā gayā mirā dost kitnā zahīn thā

kabhī sāhiloñ pe phiroge to tumheñ sīpiyāñ hī batā.eñgī

mirī aañkh meñ jo simaT gayā vahī ashk sab se hasīn thā

tujhe kis tarah se ḳhabar huī ki mirī hayāt sañvar ga.ī

zarā apne dil se to pūchh le ye gumān thā ki yaqīn thā

use barishon ne chura liya ki wo baadalon ka makin tha

kabhi muD ke ye bhi to dekhta ki mera wajud zamin tha

wahi ek sach tha aur us ke ba'd ki sari tohmaten jhuT hain

mere dil ko pura yaqin hai wo mohabbaton ka amin tha

use shauq tha ki kisi jazire pe us ke nam ka phul ho

mujhe pyar karna sikha gaya mera dost kitna zahin tha

kabhi sahilon pe phiroge to tumhein sipiyan hi bataengi

meri aankh mein jo simaT gaya wahi ashk sab se hasin tha

tujhe kis tarah se KHabar hui ki meri hayat sanwar gai

zara apne dil se to puchh le ye guman tha ki yaqin tha