use bhula na saki naqsh itne gahre the

use bhulā na sakī naqsh itne gahre the

ḳhayāl-o-ḳhvāb pe mere hazār pahre the

vo ḳhush gumāñ the to jo ḳhvāb the sunahre the

vo bad-gumāñ the añdhere the aur gahre the

jo aaj hotī koī baat baat ban jaatī

use sunāne ke imkān bhī sunahre the

samā'atoñ ne kiyā raqs mast ho ho kar

sadā meñ us kī hasīñ biin jaise lahre the

hamāre dard kī ye dāstān suntā kaun

yahāñ to jo bhī the munsif vo saare bahre the

chale ga.e vo sharar bo ke is qabīle meñ

to qatl hone ko 'shāhīn' ham bhī Thahre the

use bhula na saki naqsh itne gahre the

KHayal-o-KHwab pe mere hazar pahre the

wo KHush guman the to jo KHwab the sunahre the

wo bad-guman the andhere the aur gahre the

jo aaj hoti koi baat baat ban jati

use sunane ke imkan bhi sunahre the

sama'aton ne kiya raqs mast ho ho kar

sada mein us ki hasin bin jaise lahre the

hamare dard ki ye dastan sunta kaun

yahan to jo bhi the munsif wo sare bahre the

chale gae wo sharar bo ke is qabile mein

to qatl hone ko 'shahin' hum bhi Thahre the