use bhulae hue mujhko ek zamana hua

use bhulā.e hue mujh ko ik zamāna huā

ki ab tamām mire dard kā fasāna huā

huā badan mirā dushman adū huī mirī ruuh

maiñ kis ke daam meñ aayā havas-nishāna huā

yahī charāġh jo raushan hai bujh bhī saktā thā

bhalā huā ki havāoñ kā sāmnā na huā

ki jis kī sub.h mahaktī thī shaam raushan thī

sunā hai vo dar-e-daulat ġharīb-ḳhāna huā

vo log ḳhush haiñ ki vābasta-e-zamāna haiñ

maiñ mutma.in huuñ ki dar us kā mujh pe vā na huā

use bhulae hue mujh ko ek zamana hua

ki ab tamam mere dard ka fasana hua

hua badan mera dushman adu hui meri ruh

main kis ke dam mein aaya hawas-nishana hua

yahi charagh jo raushan hai bujh bhi sakta tha

bhala hua ki hawaon ka samna na hua

ki jis ki subh mahakti thi sham raushan thi

suna hai wo dar-e-daulat gharib-KHana hua

wo log KHush hain ki wabasta-e-zamana hain

main mutmain hun ki dar us ka mujh pe wa na hua