use dekha to har be-chehragi kasa uTha lai

use dekhā to har be-chehragī kaasa uThā laa.ī

tamannā apne ḳhālī haath meñ duniyā uThā laa.ī

mujhe to apnī saarī khetiyāñ sairāb karnī thiiñ

magar vo mauj apne saath ik sahrā uThā laa.ī

rifāqat ko mirī tanhā.ī bhūlī-bisrī yādoñ se

koī saaya uThā laa.ī koī chehra uThā laa.ī

unheñ ḳhushbū kī chāhat meñ bahut narmī se chhūnā thā

havā-e-shām to phūloñ kī komaltā uThā laa.ī

vahāñ to āb-e-shīrīñ kī ka.ī labrez jhīleñ thiiñ

to phir kyuuñ tishnagī merī mujhe pyāsā uThā laa.ī

kabhī in vādiyoñ meñ duur tak raste firozāñ the

'shahāb' ik sar-phirī mauj-e-havā kohrā uThā laa.ī

use dekha to har be-chehragi kasa uTha lai

tamanna apne KHali hath mein duniya uTha lai

mujhe to apni sari khetiyan sairab karni thin

magar wo mauj apne sath ek sahra uTha lai

rifaqat ko meri tanhai bhuli-bisri yaadon se

koi saya uTha lai koi chehra uTha lai

unhen KHushbu ki chahat mein bahut narmi se chhuna tha

hawa-e-sham to phulon ki komalta uTha lai

wahan to aab-e-shirin ki kai labrez jhilen thin

to phir kyun tishnagi meri mujhe pyasa uTha lai

kabhi in wadiyon mein dur tak raste firozan the

'shahab' ek sar-phiri mauj-e-hawa kohra uTha lai