use kaamyabi ki hajat nahin

use kāmyābī kī hājat nahīñ

mohabbat hai koī tijārat nahīñ

ḳhatāvār shukr-o-shikāyat nahīñ

use baat karne kī aadat nahīñ

maiñ rahtā huuñ us ke ḳhayāloñ meñ gum

mujhe saañs lene kī fursat nahīñ

vo hai rañg ḳhushbū dhanak chāñdnī

use zeb-o-zīnat kī hājat nahīñ

sitamgar vo mujh par ho jab mehrbāñ

mubārak koī aisī saa.at nahīñ

uThā.ūñ maiñ naaz us gul-andām ke

mire vāste ye sa.ādat nahīñ

ḳhushī ke ta.āqub meñ hai ġham yahāñ

ye duniyā jahannum hai jannat nahīñ

qarīn-e-haqīqat hai ye qaul bhī

zamāne meñ ab kuchh sharāfat nahīñ

maiñ is ko mohabbat kā tohfa kahūñ

agar tum ko mujh se shikāyat nahīñ

maiñ kartā huuñ jin sāthiyoñ se gurez

mujhe un se koī shikāyat nahīñ

mujhe hāsidoñ se hai shikva magar

ḳhudā vāste kī adāvat nahīñ

tirī baat sachchī hai vaa.iz magar

bayāñ meñ tire kuchh latāfat nahīñ

jamā.at hai husn-e-ibādat magar

jo dil se na ho vo ibādat nahīñ

hakīmāna ulfat se ārāsta

sharī.at se haT kar tarīqat nahīñ

jahāñ meñ vahī ab hai be-iḳhtiyār

jise jhuuT bakne kī aadat nahīñ

mohabbat meñ hai raaz rāz-e-hayāt

mohabbat se baḌh kar ibādat nahīñ

use kaamyabi ki hajat nahin

mohabbat hai koi tijarat nahin

KHatawar shukr-o-shikayat nahin

use baat karne ki aadat nahin

main rahta hun us ke KHayalon mein gum

mujhe sans lene ki fursat nahin

wo hai rang KHushbu dhanak chandni

use zeb-o-zinat ki hajat nahin

sitamgar wo mujh par ho jab mehrban

mubarak koi aisi saat nahin

uThaun main naz us gul-andam ke

mere waste ye saadat nahin

KHushi ke taaqub mein hai gham yahan

ye duniya jahannum hai jannat nahin

qarin-e-haqiqat hai ye qaul bhi

zamane mein ab kuchh sharafat nahin

main is ko mohabbat ka tohfa kahun

agar tum ko mujh se shikayat nahin

main karta hun jin sathiyon se gurez

mujhe un se koi shikayat nahin

mujhe hasidon se hai shikwa magar

KHuda waste ki adawat nahin

teri baat sachchi hai waiz magar

bayan mein tere kuchh latafat nahin

jamaat hai husn-e-ibaadat magar

jo dil se na ho wo ibaadat nahin

hakimana ulfat se aarasta

shariat se haT kar tariqat nahin

jahan mein wahi ab hai be-iKHtiyar

jise jhuT bakne ki aadat nahin

mohabbat mein hai raaz raaz-e-hayat

mohabbat se baDh kar ibaadat nahin