use KHayal mein bandhun ki KHwab mein dekhun

use ḳhayāl meñ bāñdhūñ ki ḳhvāb meñ dekhūñ

koī vo but hai use kyoñ hijāb meñ dekhūñ

ye vasf bhī dil-e-ḳhāna-ḳharāb meñ dekhūñ

sarāpā maiñ use sau sau hijāb meñ dekhūñ

usī kā naqsh maiñ har intiḳhāb meñ dekhūñ

usī kā zikr hai jis bhī kitāb meñ dekhūñ

usī kā 'aks ubhar aa.e safhe safhe par

usī kā naam maiñ har ek baab meñ dekhūñ

usī ke ruḳh ke ḳhad-o-ḳhāl paḌhtā rahtā huuñ

vo hī na ho kahīñ shāmil nisāb meñ dekhūñ

savāl kar to diyā us se be-ḳhudī meñ 'kañval'

mire nasīb meñ kyā hai javāb meñ dekhūñ

use KHayal mein bandhun ki KHwab mein dekhun

koi wo but hai use kyon hijab mein dekhun

ye wasf bhi dil-e-KHana-KHarab mein dekhun

sarapa main use sau sau hijab mein dekhun

usi ka naqsh main har intiKHab mein dekhun

usi ka zikr hai jis bhi kitab mein dekhun

usi ka 'aks ubhar aae safhe safhe par

usi ka nam main har ek bab mein dekhun

usi ke ruKH ke KHad-o-KHal paDhta rahta hun

wo hi na ho kahin shamil nisab mein dekhun

sawal kar to diya us se be-KHudi mein 'kanwal'

mere nasib mein kya hai jawab mein dekhun