use kyun sahar se nashat ho use kya malal ho sham se

use kyuuñ sahar se nashāt ho use kyā malāl ho shaam se

jise ishq hai tire zikr se jise uns hai tire naam se

vo tumhāre taur-o-tarīq the ki hazār rañg badal liye

ye hamāre dil kā shu.ūr hai na haTe ham apne maqām se

mirī aarzū ke charāġh par koī tabsira bhī kare to kyā

kabhī jal uThā sar-e-shām se kabhī bujh gayā sar-e-shām se

jo hayāt-e-ishq sañvar ga.ī to hayāt-e-husn nikhar ga.ī

kabhī tere husn-e-ḳhirām se kabhī mere soz-e-davām se

jo 'azīz-vārsī' thā kabhī vo 'azīz-vārsī' ab nahīñ

na junūn-e-ishq-e-butāñ hai ab na ġharaz hai bāda-o-jām se

use kyun sahar se nashat ho use kya malal ho sham se

jise ishq hai tere zikr se jise uns hai tere nam se

wo tumhaare taur-o-tariq the ki hazar rang badal liye

ye hamare dil ka shuur hai na haTe hum apne maqam se

meri aarzu ke charagh par koi tabsira bhi kare to kya

kabhi jal uTha sar-e-sham se kabhi bujh gaya sar-e-sham se

jo hayat-e-ishq sanwar gai to hayat-e-husn nikhar gai

kabhi tere husn-e-KHiram se kabhi mere soz-e-dawam se

jo 'aziz-warsi' tha kabhi wo 'aziz-warsi' ab nahin

na junun-e-ishq-e-butan hai ab na gharaz hai baada-o-jam se