use maktub bhi tahrir karna

use maktūb bhī tahrīr karnā

lage hai chāñd ko tasḳhīr karnā

asīrān-e-qafas kā ham-navā huuñ

mujhe bhī vāqif-e-zanjīr karnā

sañbhal jaane do kuchh vahshat-zada ko

bayāñ phir ḳhvāb kī ta.abīr karnā

tabassum-rez manzar kah rahe haiñ

lab-e-jū ghar koī ta.amīr karnā

ham ahl-e-dil kā maslak hī nahīñ hai

kisī insān ko dil-gīr karnā

hai ab to baat karnā rāz-dāñ se

havā ke dosh par tahrīr karnā

mirā sheva nahīñ 'sajjād-mirzā'

kisī insān kī tahqīr karnā

use maktub bhi tahrir karna

lage hai chand ko tasKHir karna

asiran-e-qafas ka ham-nawa hun

mujhe bhi waqif-e-zanjir karna

sanbhal jaane do kuchh wahshat-zada ko

bayan phir KHwab ki tabir karna

tabassum-rez manzar kah rahe hain

lab-e-ju ghar koi tamir karna

hum ahl-e-dil ka maslak hi nahin hai

kisi insan ko dil-gir karna

hai ab to baat karna raaz-dan se

hawa ke dosh par tahrir karna

mera shewa nahin 'sajjad-mirza'

kisi insan ki tahqir karna