اسے مکتوب بھی تحریر کرنا
لگے ہے چاند کو تسخیر کرنا
اسیران قفس کا ہم نوا ہوں
مجھے بھی واقف زنجیر کرنا
سنبھل جانے دو کچھ وحشت زدہ کو
بیاں پھر خواب کی تعبیر کرنا
تبسم ریز منظر کہہ رہے ہیں
لب جو گھر کوئی تعمیر کرنا
ہم اہل دل کا مسلک ہی نہیں ہے
کسی انسان کو دلگیر کرنا
ہے اب تو بات کرنا رازداں سے
ہوا کے دوش پر تحریر کرنا
مرا شیوہ نہیں سجاد مرزاؔ
کسی انسان کی تحقیر کرنا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
