ushshaq tere sab the par zar tha so main tha

ushshāq tere sab the par zaar thā so maiñ thā

jag ke ḳharāba andar ik ḳhvār thā so maiñ thā

dāḳhil shahīdoñ meñ to lohū lagā ke sab the

shamshīr-e-nāz se pur-afgār thā so maiñ thā

sumbul ke pech meñ dil tere na thā kisī kā

nargis kā ek terī bīmār thā so maiñ thā

tujh ghar meñ arz-e-matlab kis kī na thā zabāñ par

dar par jo tere naqsh-e-dīvār thā so maiñ thā

dāġh-e-mohabbat ai gul jab thā tirā na jag meñ

dāġhoñ se jis kā siina gulzār thā so maiñ thā

go ishq ke tumhāre ushshāq ab muqir haiñ

avval zabāñ pe jis kī iqrār thā so maiñ thā

tujh ishq meñ nasīhat sab yaar mānte the

nāseh ke par suḳhan se be-zār thā so maiñ thā

is mai-kade meñ gaahe ai 'soz' ham na bahke

sab mast o be-ḳhabar the hushyār thā so maiñ thā

ushshaq tere sab the par zar tha so main tha

jag ke KHaraba andar ek KHwar tha so main tha

daKHil shahidon mein to lohu laga ke sab the

shamshir-e-naz se pur-afgar tha so main tha

sumbul ke pech mein dil tere na tha kisi ka

nargis ka ek teri bimar tha so main tha

tujh ghar mein arz-e-matlab kis ki na tha zaban par

dar par jo tere naqsh-e-diwar tha so main tha

dagh-e-mohabbat ai gul jab tha tera na jag mein

daghon se jis ka sina gulzar tha so main tha

go ishq ke tumhaare ushshaq ab muqir hain

awwal zaban pe jis ki iqrar tha so main tha

tujh ishq mein nasihat sab yar mante the

naseh ke par suKHan se be-zar tha so main tha

is mai-kade mein gahe ai 'soz' hum na bahke

sab mast o be-KHabar the hushyar tha so main tha