usi dard-ashna dil ki taraf-dari mein rahte hain
usi dard-ashna dil ki taraf-dari mein rahte hain
Mahtab Haider Naqvi
MORE BYMahtab Haider Naqvi
usī dard-āshnā dil kī taraf-dārī meñ rahte haiñ
ham apne-āp meñ gum apnī ġham-ḳhvārī meñ rahte haiñ
yūñhī ham rafta rafta dil-girafta hote jā.eñge
ki ham apne ġhamoñ kī nāz-bardārī meñ rahte haiñ
ye duniyā ham ne duniyā-dār kī āñkhoñ se dekhī hai
magar ai dil ham apnī hī amal-dārī meñ rahte haiñ
hamāre sukh bahut kam aur dukh un se bahut kam haiñ
so ham bhī aaj kal un kī nigah-dārī meñ rahte haiñ
abhī ahl-e-havas duniyā meñ kyā kyā gul khilā.enge
abhī ahl-e-junūñ ḳhvāb-e-jahāñ-dārī meñ rahte haiñ
usi dard-ashna dil ki taraf-dari mein rahte hain
hum apne-ap mein gum apni gham-KHwari mein rahte hain
yunhi hum rafta rafta dil-girafta hote jaenge
ki hum apne ghamon ki naz-bardari mein rahte hain
ye duniya hum ne duniya-dar ki aankhon se dekhi hai
magar ai dil hum apni hi amal-dari mein rahte hain
hamare sukh bahut kam aur dukh un se bahut kam hain
so hum bhi aaj kal un ki nigah-dari mein rahte hain
abhi ahl-e-hawas duniya mein kya kya gul khilaenge
abhi ahl-e-junun KHwab-e-jahan-dari mein rahte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
