usi ki nur-afshani zamin se aasman tak hai

usī kī nūr-afshānī zamīñ se āsmāñ tak hai

nigahbānī jahāñ kī us haqīqī pāsbāñ tak hai

tarastī haiñ nigāheñ sabz gumbad ke nazāre ko

rasā.ī bad-nasīboñ kī kahāñ us āstāñ tak hai

qalam kī tez-raftārī zabāñ kī garm-guftārī

nasīhat meñ asar honā kalām-e-ḳhush-bayāñ tak hai

chaman meñ jab ḳhizāñ aa.ī na gul hai aur na bulbul hai

navā-e-bulbul-e-shaidā bahār-e-bostāñ tak hai

agar vo dost sādiq hai to shikva sun nahīñ saktā

himāyat shikva bejā kī kisī nā-mehrbāñ tak hai

maza kyā aise jiine meñ na jab tāb-o-tavāñ baaqī

darāzī umr kī goyā fuzūl-e-dāstāñ tak hai

musībat aur rāhat haiñ rafīq-e-zindagī 'kubrā'

rihā.ī in rafīqoñ se nahīñ umr-e-ravāñ tak hai

usi ki nur-afshani zamin se aasman tak hai

nigahbani jahan ki us haqiqi pasban tak hai

tarasti hain nigahen sabz gumbad ke nazare ko

rasai bad-nasibon ki kahan us aastan tak hai

qalam ki tez-raftari zaban ki garm-guftari

nasihat mein asar hona kalam-e-KHush-bayan tak hai

chaman mein jab KHizan aai na gul hai aur na bulbul hai

nawa-e-bulbul-e-shaida bahaar-e-bostan tak hai

agar wo dost sadiq hai to shikwa sun nahin sakta

himayat shikwa beja ki kisi na-mehrban tak hai

maza kya aise jine mein na jab tab-o-tawan baqi

daraazi umr ki goya fuzul-e-dastan tak hai

musibat aur rahat hain rafiq-e-zindagi 'kubra'

rihai in rafiqon se nahin umr-e-rawan tak hai