usi ki taswir hai jo dil par bani hui hai

usī kī tasvīr hai jo dil par banī huī hai

vo shāhzādī mirā muqaddar banī huī hai

maiñ tere ashkoñ ko apne sāñsoñ meñ jazb kar luuñ

tū ro rahī hai to merī jaañ par banī huī hai

kabhī to aa.e to apne dil meñ dikhā.ūñ tujh ko

ki terī tasvīr kitnī sundar banī huī hai

tirī qayāmat zarūr ḳhāse kī chiiz hogī

magar vo laḌkī jo us se baḌh kar banī huī hai

jo merī āñkhoñ se vaar hogā to dil pe hogā

mirī udāsī ko dekh ḳhanjar banī huī hai

sukūn kā ek pal bhī ham ko diyā nahīñ hai

ai zindagī tū to ham pe afsar banī huī hai

ye ḳhatm ho to visāl kī raat aa.e 'abdul'

abhī to ye shaam shām-e-mahshar banī huī hai

usi ki taswir hai jo dil par bani hui hai

wo shahzadi mera muqaddar bani hui hai

main tere ashkon ko apne sanson mein jazb kar lun

tu ro rahi hai to meri jaan par bani hui hai

kabhi to aae to apne dil mein dikhaun tujh ko

ki teri taswir kitni sundar bani hui hai

teri qayamat zarur KHase ki chiz hogi

magar wo laDki jo us se baDh kar bani hui hai

jo meri aankhon se war hoga to dil pe hoga

meri udasi ko dekh KHanjar bani hui hai

sukun ka ek pal bhi hum ko diya nahin hai

ai zindagi tu to hum pe afsar bani hui hai

ye KHatm ho to visal ki raat aae 'abdul'

abhi to ye sham sham-e-mahshar bani hui hai