usi yaqin usi dast-o-pa ki hajat hai

usī yaqīn usī dast-o-pā kī hājat hai

imām-e-vaqt ko phir karbalā kī hājat hai

kahīñ na tujh ko tirā shauq be-libās kare

tire junūñ ko jo merī qabā kī hājat hai

kahāñ se aa.e abābīl abrha ke liye

tire bashar ko to māl-o-ġhinā kī hājat hai

ajiib tarz-e-takallum hai ahl-e-mansab kā

bahut dinoñ se kisī ḳhush-adā kī hājat hai

tamām harb-o-jadal aazmā ke haar ga.e

uThāo dast-e-duā ab duā kī hājat hai

usi yaqin usi dast-o-pa ki hajat hai

imam-e-waqt ko phir karbala ki hajat hai

kahin na tujh ko tera shauq be-libas kare

tere junun ko jo meri qaba ki hajat hai

kahan se aae ababil abrha ke liye

tere bashar ko to mal-o-ghina ki hajat hai

ajib tarz-e-takallum hai ahl-e-mansab ka

bahut dinon se kisi KHush-ada ki hajat hai

tamam harb-o-jadal aazma ke haar gae

uThao dast-e-dua ab dua ki hajat hai