utar phenko libas tan se ye shahr-e-dil ka riwaj nain hai

utaar pheñko libās tan se ye shahr-e-dil kā rivāj na.iiñ hai

maiñ shāhzāda huuñ paas mere qalam to hai sar pe taaj na.iiñ hai

fuzūl bātoñ meñ sarf kar dī hayāt jitnī thī paas mere

kahā sunā mā'zarat ki pās-e-vafā kī bhī mujh meñ laaj na.iiñ hai

harīf mere muqāble meñ khaḌe hue haiñ to kyā karūñ maiñ

jo kal milā thā vo dost ham-rah batā.ūñ kaise ki aaj na.iiñ hai

suḳhnavaro haa.e bazm-e-ġham hai yahāñ pe baiThe haiñ log jam kar

hazār shā'ir haiñ shahr bhar ke hamārā ‘ajmal-sirāj’ na.iiñ hai

batā.ūñ kyā dāstān apnī sunā.ūñ kyā haal zindagī kā

'nadīm' muddat se phir rahā huuñ milā koī kām-kāj na.iiñ hai

utar phenko libas tan se ye shahr-e-dil ka riwaj nain hai

main shahzada hun pas mere qalam to hai sar pe taj nain hai

fuzul baaton mein sarf kar di hayat jitni thi pas mere

kaha suna ma'zarat ki pas-e-wafa ki bhi mujh mein laj nain hai

harif mere muqable mein khaDe hue hain to kya karun main

jo kal mila tha wo dost ham-rah bataun kaise ki aaj nain hai

suKHnawaro hae bazm-e-gham hai yahan pe baiThe hain log jam kar

hazar sha'ir hain shahr bhar ke hamara ‘ajmal-siraj’ nain hai

bataun kya dastan apni sunaun kya haal zindagi ka

'nadim' muddat se phir raha hun mila koi kaam-kaj nain hai