utarne wali dukhon ki baraat se pahle

utarne vaalī dukhoñ kī barāt se pahle

charāġh baañT do bastī meñ raat se pahle

yūñhī milegā na āb-e-hayāt kā chashma

guzarnā hogā lahū kī furāt se pahle

bashar jo aaj hai tahzīb-o-irtiqā kā amiiñ

faqat darinda thā irfān-e-zāt se pahle

hamī ne maut kī tardīd meñ zabāñ kholī

hamīñ ne pyaar kiyā hai hayāt se pahle

vahāñ to baat bhī karnā jihād karnā hai

jahāñ pe hoñT siye jaa.eñ baat se pahle

na.ī hayāt 'hazīñ' fan ko de gayā 'ġhālib'

agarche mar gayā thā vo vafāt se pahle

utarne wali dukhon ki baraat se pahle

charagh banT do basti mein raat se pahle

yunhi milega na aab-e-hayat ka chashma

guzarna hoga lahu ki furaat se pahle

bashar jo aaj hai tahzib-o-irtiqa ka amin

faqat darinda tha irfan-e-zat se pahle

hami ne maut ki tardid mein zaban kholi

hamin ne pyar kiya hai hayat se pahle

wahan to baat bhi karna jihad karna hai

jahan pe honT siye jaen baat se pahle

nai hayat 'hazin' fan ko de gaya 'ghaalib'

agarche mar gaya tha wo wafat se pahle