uTha kar naz se burqa dikha kar ru-e-zeba ko

uThā kar naaz se burqā dikhā kar rū-e-zebā ko

tamāshā kar diyā dilbar ne mujh mahv-e-tamāshā ko

munāsib thī jo jā bas us meñ rakkhe tohfa-e-dil-bar

nigah meñ yaas ko hasrat ko dil meñ sar meñ saudā ko

dikhātī hai mire ashkoñ kī tuġhyānī mujhe kyā kuchh

habāb-e-dil kabhī dekhā kabhī amvāj-e-dariyā ko

ḳhayāl-e-rū-e-zebā meñ to dāmān-e-sahar dekhā

shab-e-furqat tasavvur kar liyā zulf-e-chalīpā ko

marīz-e-hijr terā mehmāñ hai ab koī dam kā

dikhā.e vaqt-e-āḳhir nabz apnī kyā masīhā ko

dil-e-bīmār meñ ghar kar liyā hai dard ne apnā

ilāhī maiñ rakhūñ kis jā in armān-o-tamanna ko

tumheñ to ai sanam manzūr apnī parda-poshī thī

dikhā.ī tūr-e-sīnā par tajallī kis ne muusā ko

ḳhajil kaisā kiyā hai dīda-o-dil ne fidā.ī ke

subū ko jaam ko miinā ko aur sāġhar ko sahbā ko

charāġh-e-ishq raushan kar diyā farhād-o-majnūñ ne

kiyā ābād us ne koh ko aur us ne sahrā ko

rahā vīrān ba.ad-az-marg-e-hāfiz ek muddat tak

kiyā ābād jā kar ham ne gul-gasht-e-muslla ko

mire pahlū ko muusā dekh kar hairat se kahte haiñ

chhupāyā kis tarah dil meñ 'jamīla' is tajallā ko

uTha kar naz se burqa dikha kar ru-e-zeba ko

tamasha kar diya dilbar ne mujh mahw-e-tamasha ko

munasib thi jo ja bas us mein rakkhe tohfa-e-dil-bar

nigah mein yas ko hasrat ko dil mein sar mein sauda ko

dikhati hai mere ashkon ki tughyani mujhe kya kuchh

habab-e-dil kabhi dekha kabhi amwaj-e-dariya ko

KHayal-e-ru-e-zeba mein to daman-e-sahar dekha

shab-e-furqat tasawwur kar liya zulf-e-chalipa ko

mariz-e-hijr tera mehman hai ab koi dam ka

dikhae waqt-e-aKHir nabz apni kya masiha ko

dil-e-bimar mein ghar kar liya hai dard ne apna

ilahi main rakhun kis ja in arman-o-tamanna ko

tumhein to ai sanam manzur apni parda-poshi thi

dikhai tur-e-sina par tajalli kis ne musa ko

KHajil kaisa kiya hai dida-o-dil ne fidai ke

subu ko jam ko mina ko aur saghar ko sahba ko

charagh-e-ishq raushan kar diya farhad-o-majnun ne

kiya aabaad us ne koh ko aur us ne sahra ko

raha viran baad-az-marg-e-hafiz ek muddat tak

kiya aabaad ja kar hum ne gul-gasht-e-muslla ko

mere pahlu ko musa dekh kar hairat se kahte hain

chhupaya kis tarah dil mein 'jamila' is tajalla ko