uTha le baDh ke ise ye haram thoDi hai

uThā le baḌh ke ise ye harām thoḌī hai

ye rūh-afzā hai Tharre kā jaam thoḌī hai

ye fazl-e-rabbī hai rishvat na boliye is ko

to aise maal kā khānā harām thoḌī hai

sharīf logoñ ko jo chāhe bol dete haiñ

harām-ḳhoroñ ke muñh meñ lagām thoḌī hai

hamārī tarah hī rizq-e-halāl khaa.e jo

hamāre netā kā aisā maqām thoḌī hai

ye jhoñpḌī hai yahāñ yuuñ hī kaam chaltā hai

kisī ra.iis ke ghar kā nizām thoḌī hai

aziim sho.arā se hāsil hue haiñ ye tohfe

jo paḌh rahā huuñ ye merā kalām thoḌī hai

tumhārā hukm bajā laa.e kis liye 'dilkash'

tumhāre baap kā koī ġhulām thoḌī hai

uTha le baDh ke ise ye haram thoDi hai

ye ruh-afza hai Tharre ka jam thoDi hai

ye fazl-e-rabbi hai rishwat na boliye is ko

to aise mal ka khana haram thoDi hai

sharif logon ko jo chahe bol dete hain

haram-KHoron ke munh mein lagam thoDi hai

hamari tarah hi rizq-e-halal khae jo

hamare neta ka aisa maqam thoDi hai

ye jhonpDi hai yahan yun hi kaam chalta hai

kisi rais ke ghar ka nizam thoDi hai

azim shoara se hasil hue hain ye tohfe

jo paDh raha hun ye mera kalam thoDi hai

tumhaara hukm baja lae kis liye 'dilkash'

tumhaare bap ka koi ghulam thoDi hai