اٹھایا ہے ابھی تک میں نے لطف زندگی آدھا

اٹھایا ہے ابھی تک میں نے لطف زندگی آدھا

جوانی ہے ابھی آدھی بڑھاپا ہے ابھی آدھا

معمہ ہے وہ جس کے غم میں میرا حال پتلا ہے

نظر کے سامنے آتا ہے ظالم ہر گھڑی آدھا

کبھی تو حرکتوں سے ہاف مائنڈ وہ لگے مجھ کو

کبھی تو اپنی باتوں سے لگے ہے فلسفی آدھا

پھرے جو دم پکڑ کر شاعروں کی اس زمانے میں

یقیں مانو بنے گا شاعر اعظم وہی آدھا

عشا پڑھ کر سنیما دیکھنے جاتا ہے جو لڑکا

بڑا ہو کر بنے گا دیکھنا وہ مولوی آدھا

ملے ہو تم بھی واحدؔ سے کہو کیسا لگا تم کو

مجھے تو شکل و صورت سے لگا وہ آدمی آدھا