uThaya hai abhi tak maine lutf-e-zindagi aadha

uThāyā hai abhī tak maiñ ne lutf-e-zindagī aadhā

javānī hai abhī aadhī buḌhāpā hai abhī aadhā

muamma hai vo jis ke ġham meñ merā haal patlā hai

nazar ke sāmne aatā hai zālim har ghaḌī aadhā

kabhī to harkatoñ se half mind vo lage mujh ko

kabhī to apnī bātoñ se lage hai falsafī aadhā

phire jo dum pakaḌ kar shā.iroñ kī is zamāne meñ

yaqīñ maano banegā shāi.r-e-āzam vahī aadhā

ishā paḌh kar cinema dekhne jaatā hai jo laḌkā

baḌā ho kar banegā dekhnā vo maulvī aadhā

mile ho tum bhī 'vāhid' se kaho kaisā lagā tum ko

mujhe to shakl-o-sūrat se lagā vo aadmī aadhā

uThaya hai abhi tak main ne lutf-e-zindagi aadha

jawani hai abhi aadhi buDhapa hai abhi aadha

muamma hai wo jis ke gham mein mera haal patla hai

nazar ke samne aata hai zalim har ghaDi aadha

kabhi to harkaton se half mind wo lage mujh ko

kabhi to apni baaton se lage hai falsafi aadha

phire jo dum pakaD kar shairon ki is zamane mein

yaqin mano banega shair-e-azam wahi aadha

isha paDh kar cinema dekhne jata hai jo laDka

baDa ho kar banega dekhna wo maulwi aadha

mile ho tum bhi 'wahid' se kaho kaisa laga tum ko

mujhe to shakl-o-surat se laga wo aadmi aadha