uTho gale se lipaT jao phir nikhar lena

uTho gale se lipaT jaao phir nikhar lenā

tamām raat paḌī hai banāv kar lenā

ye loTnā ye mirā dard yaad kar lenā

kabhī kabhī to kaleje pe haath dhar lenā

hamāre saath hai terā bhī imtihāñ ai tiir

taḌap ke dil jo nikal jaa.e to jigar lenā

Dare to kaT na sakegā kabhī galā merā

yahī ḳhushī ho to āñkhoñ pe haath dhar lenā

gunāhgār pe yārab nuzūl-e-rahmat kar

tirā ḳhazāna jo ḳhālī ho mujh se bhar lenā

'bahār' roz ye kam-baḳht muñh ko aatā hai

kidhar chalā hai mirā dil zarā ḳhabar lenā

uTho gale se lipaT jao phir nikhar lena

tamam raat paDi hai banaw kar lena

ye loTna ye mera dard yaad kar lena

kabhi kabhi to kaleje pe hath dhar lena

hamare sath hai tera bhi imtihan ai tir

taDap ke dil jo nikal jae to jigar lena

Dare to kaT na sakega kabhi gala mera

yahi KHushi ho to aankhon pe hath dhar lena

gunahgar pe yarab nuzul-e-rahmat kar

tera KHazana jo KHali ho mujh se bhar lena

'bahaar' roz ye kam-baKHt munh ko aata hai

kidhar chala hai mera dil zara KHabar lena