uTho zamane ke aashob ka izala karen

uTho zamāne ke āshob kā izāla kareñ

ba-nām-e-gul-badnāñ ruḳh sū-e-piyāla kareñ

ba-yād-e-dīda-e-maḳhmūr pur-piyāla kareñ

uTho ki zahr kā phir zahr se izāla kareñ

vo rind haiñ na uThā.eñ bahār kā ehsāñ

varūd ham tirī ḳhalvat meñ be-havāla kareñ

kahāñ ke dair o haram aao ek sajda-e-shauq

bapā-e-hosh-e-rubāyān-e-bast-sāla kareñ

baras paḌe jo gulistāñ meñ us nazar se sharāb

bahak bahak ke ham aage subu-e-lāla kareñ

subū uThā ki gadāyān-e-kū-e-mai-ḳhāna

tire havāle mah-o-mehr kā qabāla kareñ

hadīs-e-zohd ho yā vārdāt-e-zahra-misāl

kisī ke naam ko ham zeb-e-har-maqāla kareñ

dikhā sahīfa-e-ruḳh is tarah ki ahl-e-bahār

varaq varaq ba-ḳhajālat bayāz-e-lāla kareñ

uTho jalā ke mai-e-surḳh se charāġh-e-abad

nashāt-e-sohbat-e-shab ko hazār-sāla kareñ

adā vo nīchī nigāhoñ kī hai ki jaise 'zafar'

talāsh-e-kunj-e-ġhazālān-e-ḳhurd-sāla kareñ

uTho zamane ke aashob ka izala karen

ba-nam-e-gul-badnan ruKH su-e-piyala karen

ba-yaad-e-dida-e-maKHmur pur-piyala karen

uTho ki zahr ka phir zahr se izala karen

wo rind hain na uThaen bahaar ka ehsan

warud hum teri KHalwat mein be-hawala karen

kahan ke dair o haram aao ek sajda-e-shauq

bapa-e-hosh-e-rubayan-e-bast-sala karen

baras paDe jo gulistan mein us nazar se sharab

bahak bahak ke hum aage subu-e-lala karen

subu uTha ki gadayan-e-ku-e-mai-KHana

tere hawale mah-o-mehr ka qabaala karen

hadis-e-zohd ho ya wardat-e-zahra-misal

kisi ke nam ko hum zeb-e-har-maqala karen

dikha sahifa-e-ruKH is tarah ki ahl-e-bahaar

waraq waraq ba-KHajalat bayaz-e-lala karen

uTho jala ke mai-e-surKH se charagh-e-abad

nashat-e-sohbat-e-shab ko hazar-sala karen

ada wo nichi nigahon ki hai ki jaise 'zafar'

talash-e-kunj-e-ghazalan-e-KHurd-sala karen