uThti ghaTa hai kis tarah bole wo zulf uTha ki yun

uThtī ghaTā hai kis tarah bole vo zulf uThā ki yuuñ

barq chamaktī kyūñki hai hañs ke ye phir kahā ki yuuñ

chorī se us ke paañv tak pahuñchī thī shab ko kis tarah

aa kahīñ haath mat bañdhā kah de ab ai hinā ki yuuñ

din ko falak pe kahkashāñ nikle hai kyūñki ġhair-e-shab

chīn-e-jabīñ dikhā mujhe us ne diyā batā ki yuuñ

jaise kahā ki āshiqāñ rahte haiñ kyūñki chāk-e-jeb

us ko gul-e-chaman dikhā kah ke chalī sabā ki yuuñ

ho ga.e bar-sar-e-ḳhalish le ke sināñ jo ḳhār-e-dasht

kar ne kalām tab lagā qais-e-barahna-pā ki yuuñ

pūchhe hai vo ki kis tarah shīsha-o-jām kā hai saath

kah de milā ke chashm se chashm ko sāqiyā ki yuuñ

karte safar haiñ kis tarah bahr-e-jahāñ se ai hubāb

ḳheme ko apne laad kar kar de ye 'uqda vā ki yuuñ

uThti ghaTa hai kis tarah bole wo zulf uTha ki yun

barq chamakti kyunki hai hans ke ye phir kaha ki yun

chori se us ke panw tak pahunchi thi shab ko kis tarah

aa kahin hath mat bandha kah de ab ai hina ki yun

din ko falak pe kahkashan nikle hai kyunki ghair-e-shab

chin-e-jabin dikha mujhe us ne diya bata ki yun

jaise kaha ki aashiqan rahte hain kyunki chaak-e-jeb

us ko gul-e-chaman dikha kah ke chali saba ki yun

ho gae bar-sar-e-KHalish le ke sinan jo KHar-e-dasht

kar ne kalam tab laga qais-e-barahna-pa ki yun

puchhe hai wo ki kis tarah shisha-o-jam ka hai sath

kah de mila ke chashm se chashm ko saqiya ki yun

karte safar hain kis tarah bahr-e-jahan se ai hubab

KHeme ko apne lad kar kar de ye 'uqda wa ki yun