uThti kabhi kabhi hai koi Tis hae dil

uThtī kabhī kabhī hai koī Tiis haa.e dil

māl-o-matā' kuchh bhī nahīñ the sivā.e dil

phirtī haiñ mere sāmne jab sūrateñ ka.ī

phir kis ko yaad rakkhe kise bhuul jaa.e dil

vaqt-e-vidā' yaar tahammul se kaam le

ab ḳhud ko kis tarah se yuuñ patthar banā.e dil

ho kuchh bhī muztarib ye magar dil to hai nahīñ

barq-e-tapāñ hai siine meñ shāyad bajā.e-dil

hotī haiñ kaisī kaisī yahāñ lāl-kāriyāñ

apnā asar dikhātī hai jab karbalā-e-dil

tabdīl kar diyā hai har ik taur 'ishq ne

mahfil se jī churā.e to sahrā meñ gaa.e dil

uThti kabhi kabhi hai koi Tis hae dil

mal-o-mata' kuchh bhi nahin the siwae dil

phirti hain mere samne jab suraten kai

phir kis ko yaad rakkhe kise bhul jae dil

waqt-e-wida' yar tahammul se kaam le

ab KHud ko kis tarah se yun patthar banae dil

ho kuchh bhi muztarib ye magar dil to hai nahin

barq-e-tapan hai sine mein shayad bajae-dil

hoti hain kaisi kaisi yahan lal-kariyan

apna asar dikhati hai jab karbala-e-dil

tabdil kar diya hai har ek taur 'ishq ne

mahfil se ji churae to sahra mein gae dil