utren gahrai mein tab KHak se pani aae

utreñ gahrā.ī meñ tab ḳhaak se paanī aa.e

sab ko ai dost kahāñ ashk-fishānī aa.e

phāñdnī paḌ ga.ī kāñToñ se bharī baaḌ hameñ

jitne paiġhām the phūloñ kī zabānī aa.e

bas yahī soch ke kirdār nibhāte jaao

jaane kis moḌ pe anjām-e-kahānī aa.e

ek muddat maiñ ḳhamoshī se rahā mahv-e-kalām

tab kahīñ jā ke ye lafzoñ meñ ma.ānī aa.e

kahīñ dhokā hī na ho shauq na.ī manzil kā

mere hamrāh koī raah purānī aa.e

'shāz' ḳhud meñ hī gañvā.e hue ḳhud ko rakhnā

haath jab tak na koī apnī nishānī aa.e

utren gahrai mein tab KHak se pani aae

sab ko ai dost kahan ashk-fishani aae

phandni paD gai kanTon se bhari baD hamein

jitne paigham the phulon ki zabani aae

bas yahi soch ke kirdar nibhate jao

jaane kis moD pe anjam-e-kahani aae

ek muddat main KHamoshi se raha mahw-e-kalam

tab kahin ja ke ye lafzon mein maani aae

kahin dhoka hi na ho shauq nai manzil ka

mere hamrah koi rah purani aae

'shaz' KHud mein hi ganwae hue KHud ko rakhna

hath jab tak na koi apni nishani aae