uTTha hai abr josh ka aalam liye hue

Jaleel Manikpuri

uTTha hai abr josh ka aalam liye hue

Jaleel Manikpuri

MORE BYJaleel Manikpuri

    uTThā hai abr josh aalam liye hue

    baiThā huuñ maiñ bhī dīda-e-pur-nam liye hue

    saaqī chashm-e-mast aalam na pūchhiye

    ik ik nigāh hai ka.ī aalam liye hue

    shabnam nahīñ guloñ pe ye qatre haiñ ashk ke

    guzrā hai koī dīda-e-pur-nam liye hue

    tai kar rahā huuñ ishq dushvār manzileñ

    āh-e-darāz o girya-e-paiham liye hue

    uTh ai naqāb-e-yār ki baiThe haiñ der se

    kitne ġharīb dīda-e-pur-nam liye hue

    suntā huuñ un bazm meñ chhalkeñge aaj jaam

    maiñ bhī chalā huuñ dīda-e-pur-nam liye hue

    motī qadr sab ko hai phūloñ ko dekhiye

    kyā hañs rahe haiñ qatra-e-shabnam liye hue

    josh-e-junūñ meñ lutf-e-tasavvur na pūchhiye

    phirte haiñ saath saath unheñ ham liye hue

    dil lagī na un se bujhī aaj tak 'jalīl'

    dariyā haiñ garche dīda-e-pur-nam liye hue

    uTTha hai abr josh ka aalam liye hue

    baiTha hun main bhi dida-e-pur-nam liye hue

    saqi ki chashm-e-mast ka aalam na puchhiye

    ek ek nigah hai kai aalam liye hue

    shabnam nahin gulon pe ye qatre hain ashk ke

    guzra hai koi dida-e-pur-nam liye hue

    tai kar raha hun ishq ki dushwar manzilen

    aah-e-daraaz o girya-e-paiham liye hue

    uTh ai naqab-e-yar ki baiThe hain der se

    kitne gharib dida-e-pur-nam liye hue

    sunta hun un ki bazm mein chhalkenge aaj jam

    main bhi chala hun dida-e-pur-nam liye hue

    moti ki qadr sab ko hai phulon ko dekhiye

    kya hans rahe hain qatra-e-shabnam liye hue

    josh-e-junun mein lutf-e-tasawwur na puchhiye

    phirte hain sath sath unhen hum liye hue

    dil ki lagi na un se bujhi aaj tak 'jalil'

    dariya hain garche dida-e-pur-nam liye hue

    Source :
    • Book : Kainat-e-Jalil Manakpuri (Pg. 269)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY