wada-e-subh tera sham tak aa pahuncha hai

vā'da-e-sub.h tirā shaam tak aa pahuñchā hai

shauq kis hasrat-e-nākām tak aa pahuñchā hai

pesh-ḳhema hai kisī ranj-e-digar kā shāna

dard kuchh sūrat-e-ārām tak aa pahuñchā hai

merī vahshat ko na raas aa.ī ye qaid-e-ādāb

zikr phir merā tire naam tak aa pahuñchā hai

phuul khilte hī baḌhā dast-e-darāz-e-gulchīñ

kaif-e-āġhāz hī anjām tak aa pahuñchā hai

jis kī vus'at ke liye tang the donoñ 'ālam

vo junūñ tauf-e-dar-o-bām tak aa pahuñchā hai

shauq suljhātā hai phir zulf-e-pareshāñ 'kausar'

yā'nī phir tā.ir-e-dil daam tak aa pahuñchā hai

wa'da-e-subh tera sham tak aa pahuncha hai

shauq kis hasrat-e-nakaam tak aa pahuncha hai

pesh-KHema hai kisi ranj-e-digar ka shana

dard kuchh surat-e-aram tak aa pahuncha hai

meri wahshat ko na ras aai ye qaid-e-adab

zikr phir mera tere nam tak aa pahuncha hai

phul khilte hi baDha dast-e-daraaz-e-gulchin

kaif-e-aghaz hi anjam tak aa pahuncha hai

jis ki wus'at ke liye tang the donon 'alam

wo junun tauf-e-dar-o-baam tak aa pahuncha hai

shauq suljhata hai phir zulf-e-pareshan 'kausar'

ya'ni phir tair-e-dil dam tak aa pahuncha hai