wada-e-wasl aur wo kuchh baat hai

va.ada-e-vasl aur vo kuchh baat hai

ho na ho is meñ bhī koī ghaat hai

ḳhalq nāhaq darpai-e-isbāt hai

hai dahan us kā kahāñ ik baat hai

bosa-e-chāh-e-zanḳhdāñ ġhair leñ

Duub marne kī ye ai dil baat hai

ghar se nikle ho nihatte vaqt-e-qatl

ye bhī bahr-e-qatl-e-āshiq ghaat hai

maiñ ne itnā hī kahā banvāo ḳhat

ye bigaḌne kī bhalā kyā baat hai

ba.ad muddat baḳht jaage haiñ mire

baiThe haiñ sone ko saarī raat hai

kyā karūñ vasf-e-butān-e-ḳhud-pasand

in se baḌh kar bas ḳhudā kī zaat hai

bātoñ bātoñ meñ jo maiñ kuchh kah gayā

hañs ke farmāne lage kyā baat hai

harf-e-matlab saaf kah saktā nahīñ

hai adab maan.e ki pahlī raat hai

mujh se ho iz.hār-e-ulfat vāh-vā

aap ke farmāne kī ye baat hai

ro rahe haiñ ham milā de lab se lab

mai-kashī ho sāqiyā barsāt hai

zach hai terī chaal se raftār-e-charḳh

mohr-e-ruḳh se bāzī-e-mah maat hai

kaisī kaTtī hai siyah-baḳhtī meñ umr

raat se din din se bad-tar raat hai

chheḌtā hai dil ko kyā ai dard-e-hijr

ḳhud giraftār-e-hazār-āfāt hai

ai ġhanī de sīm-o-zar vaqt-e-balā

māl-e-duniyā jaan kī ḳhairāt hai

gar jagah dil meñ nahīñ phir is se kyā

ye doshambe kī ye budh kī raat hai

saaf kah de tū yahāñ aayā na kar

yaar ye sau baat kī ik baat hai

laḳht-e-dil haiñ mere khāne ko 'amīr'

bas inhīñ TukḌoñ pe ab auqāt hai

wada-e-wasl aur wo kuchh baat hai

ho na ho is mein bhi koi ghat hai

KHalq nahaq darpai-e-isbaat hai

hai dahan us ka kahan ek baat hai

bosa-e-chah-e-zanKHdan ghair len

Dub marne ki ye ai dil baat hai

ghar se nikle ho nihatte waqt-e-qatl

ye bhi bahr-e-qatl-e-ashiq ghat hai

main ne itna hi kaha banwao KHat

ye bigaDne ki bhala kya baat hai

baad muddat baKHt jage hain mere

baiThe hain sone ko sari raat hai

kya karun wasf-e-butan-e-KHud-pasand

in se baDh kar bas KHuda ki zat hai

baaton baaton mein jo main kuchh kah gaya

hans ke farmane lage kya baat hai

harf-e-matlab saf kah sakta nahin

hai adab mane ki pahli raat hai

mujh se ho izhaar-e-ulfat wah-wa

aap ke farmane ki ye baat hai

ro rahe hain hum mila de lab se lab

mai-kashi ho saqiya barsat hai

zach hai teri chaal se raftar-e-charKH

mohr-e-ruKH se bazi-e-mah mat hai

kaisi kaTti hai siyah-baKHti mein umr

raat se din din se bad-tar raat hai

chheDta hai dil ko kya ai dard-e-hijr

KHud giraftar-e-hazar-afat hai

ai ghani de sim-o-zar waqt-e-bala

mal-e-duniya jaan ki KHairaat hai

gar jagah dil mein nahin phir is se kya

ye doshambe ki ye budh ki raat hai

saf kah de tu yahan aaya na kar

yar ye sau baat ki ek baat hai

laKHt-e-dil hain mere khane ko 'amir'

bas inhin TukDon pe ab auqat hai