wada-e-wasl-e-yar ne mara

va.ada-e-vasl-e-yār ne maarā

shiddat-e-intizār ne maarā

munfa.il ho ke yaar ne maarā

shikva-e-bār baar ne maarā

na chhupā rāz-e-dil magar na chhupā

dīda-e-ashk-bār ne maarā

ban ke taqdīr rāh-e-ġhurbat meñ

jumbish-e-chashm-e-yār ne maarā

va.ada-e-be-vafā vafā na huā

mujh ko is e'tibār ne maarā

sadqe dil aisī rāzdārī par

jis ko ho rāzdār ne maarā

ġhamza-e-jāñ-setāñ ma.āz-allāh

shoḳhī-e-husn-e-yār ne maarā

baḌh gayā aur bhī junūñ 'afqar'

aa ke fasl-e-bahār ne maarā

wada-e-wasl-e-yar ne mara

shiddat-e-intizar ne mara

munfail ho ke yar ne mara

shikwa-e-bar bar ne mara

na chhupa raaz-e-dil magar na chhupa

dida-e-ashk-bar ne mara

ban ke taqdir rah-e-ghurbat mein

jumbish-e-chashm-e-yar ne mara

wada-e-be-wafa wafa na hua

mujh ko is e'tibar ne mara

sadqe dil aisi raazdari par

jis ko ho raazdar ne mara

ghamza-e-jaan-setan maaz-allah

shoKHi-e-husn-e-yar ne mara

baDh gaya aur bhi junun 'afqar'

aa ke fasl-e-bahaar ne mara