wada jo tha nibah ka tumne wafa nahin kiya

va.ada jo thā nibāh kā tum ne vafā nahīñ kiyā

ham ne to aaj tak tumheñ dil se judā nahīñ kiyā

ham hī vo kam-nasīb the māñge milī na maut bhī

aap kā kyā qusūr hai aap ne kyā nahīñ kiyā

mom hue pighal ga.e sañg bane chaTaḳh ga.e

phir bhī zabāñ se aaj tak ham ne gila nahīñ kiyā

dasht-e-talab meñ har sadā guuñj banī bikhar ga.ī

kis ko sulagtī ret ne ābla-pā nahīñ kiyā

vo to ye kahiye saḳht-jāñ ham the ki vaar sah ga.e

tum ne vagarna ek bhī tiir ḳhatā nahīñ kiyā

aaj vafā kā vāsta detā hai vo sitam-zarīf

jis ne ġhurūr-e-husn meñ ḳhauf-e-ḳhudā nahīñ kiyā

vaise to sab ba-zom-e-ḳhvesh sachche haiñ len-den ke

miTTī kā jis pe qarz thā us ne adā nahīñ kiyā

wada jo tha nibah ka tum ne wafa nahin kiya

hum ne to aaj tak tumhein dil se juda nahin kiya

hum hi wo kam-nasib the mange mili na maut bhi

aap ka kya qusur hai aap ne kya nahin kiya

mom hue pighal gae sang bane chaTaKH gae

phir bhi zaban se aaj tak hum ne gila nahin kiya

dasht-e-talab mein har sada gunj bani bikhar gai

kis ko sulagti ret ne aabla-pa nahin kiya

wo to ye kahiye saKHt-jaan hum the ki war sah gae

tum ne wagarna ek bhi tir KHata nahin kiya

aaj wafa ka wasta deta hai wo sitam-zarif

jis ne ghurur-e-husn mein KHauf-e-KHuda nahin kiya

waise to sab ba-zom-e-KHwesh sachche hain len-den ke

miTTi ka jis pe qarz tha us ne ada nahin kiya