wadi-e-jism mein bikhraw nahin chahte hain

vādī-e-jism meñ bikhrāv nahīñ chāhte haiñ

ham tire hāthoñ koī ghaav nahīñ chāhte haiñ

qais sāhib kī rivāyat se mohabbat hai magar

apne uupar koī pathrāv nahīñ chāhte haiñ

ham musāfir haiñ mohabbat hai hamārī manzil

is safar meñ koī Thahrāv nahīñ chāhte haiñ

isī lahje se hai pahchān adab meñ apnī

is liye ham koī badlāv nahīñ chāhte haiñ

guftugū kā hameñ bharpūr hunar hai ma.alūm

phir bhī ḳhāmoshī se algāv nahīñ chāhte haiñ

zindagī phuul se nāzuk hai yahī soch ke ham

is ke andar koī uljhāv nahīñ chāhte haiñ

is liye rahte haiñ do-rangī usūloñ ke ḳhilāf

ek bāzār meñ do bhaav nahīñ chāhte haiñ

wadi-e-jism mein bikhraw nahin chahte hain

hum tere hathon koi ghaw nahin chahte hain

qais sahib ki riwayat se mohabbat hai magar

apne upar koi pathraw nahin chahte hain

hum musafir hain mohabbat hai hamari manzil

is safar mein koi Thahraw nahin chahte hain

isi lahje se hai pahchan adab mein apni

is liye hum koi badlaw nahin chahte hain

guftugu ka hamein bharpur hunar hai malum

phir bhi KHamoshi se algaw nahin chahte hain

zindagi phul se nazuk hai yahi soch ke hum

is ke andar koi uljhaw nahin chahte hain

is liye rahte hain do-rangi usulon ke KHilaf

ek bazar mein do bhaw nahin chahte hain