wah kya KHub mah-laqa dekha

vaah kyā ḳhuub mah-laqā dekhā

jalva us kā har ek jā dekhā

vo ayaañ thā to shai nahīñ dekhā

jab huī shai ayaañ to kyā dekhā

vahdat-e-sarf aa.ī kasrat meñ

parda us par paḌā huā dekhā

dair meñ hai na vo haram meñ hai

lekin us ko har ek jā dekhā

sar kahā jis ne sar gayā us kā

ārifoñ ne ye aazmā dekhā

bahr kuuze meñ kab samātā hai

aql kā tang hausla dekhā

diid hai jis kī ain bīnā.ī

nahīñ dekhā use to kyā dekhā

ibn-e-mariyam se bhī to kuchh na huā

dard-e-dil haa.e lā-davā dekhā

bādshāhī meñ vo kahāñ hāsil

faqr meñ ham ne jo mazā dekhā

bulbul-e-ḳhush-navā ko ai 'ājiz'

gul-o-gulzār se judā dekhā

wah kya KHub mah-laqa dekha

jalwa us ka har ek ja dekha

wo ayan tha to shai nahin dekha

jab hui shai ayan to kya dekha

wahdat-e-sarf aai kasrat mein

parda us par paDa hua dekha

dair mein hai na wo haram mein hai

lekin us ko har ek ja dekha

sar kaha jis ne sar gaya us ka

aarifon ne ye aazma dekha

bahr kuze mein kab samata hai

aql ka tang hausla dekha

did hai jis ki ain binai

nahin dekha use to kya dekha

ibn-e-mariyam se bhi to kuchh na hua

dard-e-dil hae la-dawa dekha

baadshahi mein wo kahan hasil

faqr mein hum ne jo maza dekha

bulbul-e-KHush-nawa ko ai 'ajiz'

gul-o-gulzar se juda dekha