wahima ban gaya KHayal ki tu

vāhima ban gayā ḳhayāl ki tū

maiñ huuñ is baat par nihāl ki tū

zindagī mil rahī thī logoñ ko

mere lab par yahī savāl ki tū

ham ki tanhā hī lauT aa.e the

dil ko lekin rahā malāl ki tū

hijr ke lā-zavāl lamhoñ meñ

ek hī mudda.ā visāl ki tū

dasht kī be-karāñ masāfat meñ

sochnā bhī huā muhāl ki tū

saañs hotī hai jab bahāl kahīñ

boltā hai tirā kamāl ki tū

sirf nisbat hai mo'atabar 'āsim'

varna terī kahāñ majāl ki tū

wahima ban gaya KHayal ki tu

main hun is baat par nihaal ki tu

zindagi mil rahi thi logon ko

mere lab par yahi sawal ki tu

hum ki tanha hi lauT aae the

dil ko lekin raha malal ki tu

hijr ke la-zawal lamhon mein

ek hi muddaa visal ki tu

dasht ki be-karan masafat mein

sochna bhi hua muhaal ki tu

sans hoti hai jab bahaal kahin

bolta hai tera kamal ki tu

sirf nisbat hai mo'atabar 'asim'

warna teri kahan majal ki tu