waiz kare hai baat sharab-e-tahur ki

vaa.iz kare hai baat sharāb-e-tahūr kī

andhe ko sūjhtī hai añdhere meñ duur kī

ham aa re bail maar mujhe ke nahīñ murīd

ham ko paḌī hai kyā ki kareñ sair tuur kī

ai gardish-e-hayāt tirā laakh shukriya

miTTī palīd ḳhuub kī chehre ke nuur kī

le ā.eñge ḳharīd ke sayyād kyā nahīñ

bande ko aisī chaah nahīñ hai tuyūr kī

mauqe pe be-ḳhudī bhī na karne de iḳhtiyār

chāhat mirī balā hī kare is shu.ūr kī

yā-rab isī jahān meñ kaT jaa.e chain se

ġhilmān kī hai chaah na ḳhvāhish hai huur kī

har maah chaar murġh hī mil jaa.eñ jo 'nadīm'

rah jaa.e laaj mere sar-e-pur-ġhurūr kī

waiz kare hai baat sharab-e-tahur ki

andhe ko sujhti hai andhere mein dur ki

hum aa re bail mar mujhe ke nahin murid

hum ko paDi hai kya ki karen sair tur ki

ai gardish-e-hayat tera lakh shukriya

miTTi palid KHub ki chehre ke nur ki

le aaenge KHarid ke sayyaad kya nahin

bande ko aisi chah nahin hai tuyur ki

mauqe pe be-KHudi bhi na karne de iKHtiyar

chahat meri bala hi kare is shuur ki

ya-rab isi jahan mein kaT jae chain se

ghilman ki hai chah na KHwahish hai hur ki

har mah chaar murgh hi mil jaen jo 'nadim'

rah jae laj mere sar-e-pur-ghurur ki