wan kamar bandhe hain mizhgan qatl par donon taraf

vaañ kamar bāñdhe haiñ mizhgāñ qatl par donoñ taraf

yaañ saf-e-ushshāq haiñ zer-o-zabar donoñ taraf

zulf kā sar-basta kūcha maañg kā rasta hai tañg

dil tirī shāmat hai mat jā be-ḳhatar donoñ taraf

dair-o-ka.aba meñ tafāvut ḳhalq ke nazdīk hai

shāhid-e-ma.anī kā har sūrat hai ghar donoñ taraf

hai vo dariyā meñ nahātā maiñ huuñ ġharq-e-āb-e-sharm

kuchh ajab ik mājrā hai Turfa-tar donoñ taraf

ishq vo hai jis ke hāthoñ qumrī o bulbul ke aah

zer-e-sarv-o-gul paḌe haiñ bāl-o-par donoñ taraf

chashm meñ kyā nuur hai dil meñ bhī us kā hai zuhūr

zāhir-o-bātin vahī hai jalva-gar donoñ taraf

āmad-o-shud meñ hai dekhī sair-e-bastī-o-adam

ham ko is mehmāñ-sarā meñ hai safar donoñ taraf

sham.a kuchh jaltī nahīñ parvāna bhī detā hai jī

sozish-e-ulfat se hai jī kā zarar donoñ taraf

panja-e-mizhgāñ pe rakhkhūñ kyuuñ na maiñ dil aur jigar

nazr ko laayā huuñ terī kar nazar donoñ taraf

dil meñ gar aatā hai to aa jān-e-man āñkhoñ kī raah

is makān-e-dil-kushā ke haiñ ye dar donoñ taraf

kuchh habāb o bahr meñ mat farq samjho ai 'nasīr'

dekho Tuk chashm-e-haqīqat khol kar donoñ taraf

wan kamar bandhe hain mizhgan qatl par donon taraf

yan saf-e-ushshaq hain zer-o-zabar donon taraf

zulf ka sar-basta kucha mang ka rasta hai tang

dil teri shamat hai mat ja be-KHatar donon taraf

dair-o-kaba mein tafawut KHalq ke nazdik hai

shahid-e-mani ka har surat hai ghar donon taraf

hai wo dariya mein nahata main hun gharq-e-ab-e-sharm

kuchh ajab ek majra hai Turfa-tar donon taraf

ishq wo hai jis ke hathon qumri o bulbul ke aah

zer-e-sarw-o-gul paDe hain baal-o-par donon taraf

chashm mein kya nur hai dil mein bhi us ka hai zuhur

zahir-o-baatin wahi hai jalwa-gar donon taraf

aamad-o-shud mein hai dekhi sair-e-basti-o-adam

hum ko is mehman-sara mein hai safar donon taraf

shama kuchh jalti nahin parwana bhi deta hai ji

sozish-e-ulfat se hai ji ka zarar donon taraf

panja-e-mizhgan pe rakhkhun kyun na main dil aur jigar

nazr ko laya hun teri kar nazar donon taraf

dil mein gar aata hai to aa jaan-e-man aankhon ki rah

is makan-e-dil-kusha ke hain ye dar donon taraf

kuchh habab o bahr mein mat farq samjho ai 'nasir'

dekho Tuk chashm-e-haqiqat khol kar donon taraf