واں سے گھر آ کے کہاں سونا تھا
واں سے گھر آ کے کہاں سونا تھا
صبح تک یاد تھی اور رونا تھا
جب ہوئی صبح تو بستر سے پھر اٹھ
گریۂ خونی سے منہ دھونا تھا
دھو چکے منہ کو تو کشت دل میں
تخم غم کا ہمیں پھر بونا تھا
بو چکے تخم تو پایا یہ ثمر
کہ جگر کاوی تھی جی کھونا تھا
جی کے کھونے کے ہو درپئے یہ کہا
کہ نصیبوں میں یہی ہونا تھا
ہونا قسمت کا کہیں کیا تا شام
ہم تھے اور گھر کا بس اک کونا تھا
کونے لگ بیٹھے تو جرأتؔ اے وائے!
پھر وہی رات تھی اور رونا تھا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
