war hua kuchh itna gahra pani ka

vaar huā kuchh itnā gahrā paanī kā

niklā chaTTānoñ se rasta paanī kā

dekhā ḳhuun to āñkhoñ se aañsū nikle

joḌ gayā donoñ ko rishta paanī kā

tīroñ kī bauchhaḌ bhī sahnā hai mujh ko

mere haath meñ hai mashkīza paanī kā

uḌtī ret pe likhnā hai tafsīr use

jis ne samajh liyā hai lahja paanī kā

pighlā sonā āñkhoñ meñ bhar letā huuñ

rañg jo ho jaatā hai sunahrā paanī kā

āñkhoñ meñ jitne aañsū the ḳhushk hue

qaht hai ab ke dariyā dariyā paanī kā

chaltā huuñ be-āb zamīnoñ par 'shāhid'

āñkhoñ meñ phirtā hai dariyā paanī kā

war hua kuchh itna gahra pani ka

nikla chaTTanon se rasta pani ka

dekha KHun to aankhon se aansu nikle

joD gaya donon ko rishta pani ka

tiron ki bauchhaD bhi sahna hai mujh ko

mere hath mein hai mashkiza pani ka

uDti ret pe likhna hai tafsir use

jis ne samajh liya hai lahja pani ka

pighla sona aankhon mein bhar leta hun

rang jo ho jata hai sunahra pani ka

aankhon mein jitne aansu the KHushk hue

qaht hai ab ke dariya dariya pani ka

chalta hun be-ab zaminon par 'shahid'

aankhon mein phirta hai dariya pani ka