واسطہ ہر پل نئی الجھن سے ہے
واسطہ ہر پل نئی الجھن سے ہے
پھر بھی ہم کو پیار اس جیون سے ہے
کس غلط فہمی میں ہو تم رادھکے
میل منموہن کا ہر گوالن سے ہے
دل دیا مانو کہ سب کچھ دے دیا
اور کیا امید اس نردھن سے ہے
یار اس کو بھولنا ممکن نہیں
اس کا رشتہ دل کی ہر دھڑکن سے ہے
معاف کرنا آپ ہیں جس پر فدا
ساری رونق اس پہ رنگ روغن سے ہے
جو سہی اس نے دکھایا بس وہی
کیوں شکایت آپ کو درپن سے ہے
یہ کہاں ممکن کہ لکھنا چھوڑ دوں
شاعری کا شوق تو بچپن سے ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
