wabaal-e-jaan hue wo sare gulsitan ke liye

vabāl-e-jāñ hue vo saare gulsitāñ ke liye

chune the ham ne jo kuchh tinke āshiyāñ ke liye

qadam qadam pe rah-e-ishq meñ thī hairānī

azaab dil pe na jaane kahāñ kahāñ ke liye

falak ke jaur kabhī aur un ke zulm kabhī

hazār ġham haiñ mohabbat meñ ek jaañ ke liye

ḳharāb-e-ishq banā kar tabāh kar Daalā

sitam na rah gayā jab koī āsmāñ ke liye

vo raaz jis pe mohabbat kā hai madār ai dost

hamāre dil ke liye hai tirī zabāñ ke liye

jhuke vo ġhair ke dar par bhalā ye kab mumkin

jabīñ jo vaqf rahī tere āstāñ ke liye

mizāj-e-dost meñ 'jauhar' na inqalāb aaya

ravā rahe haiñ sitam mujh se be-zabāñ ke liye

wabaal-e-jaan hue wo sare gulsitan ke liye

chune the hum ne jo kuchh tinke aashiyan ke liye

qadam qadam pe rah-e-ishq mein thi hairani

azab dil pe na jaane kahan kahan ke liye

falak ke jaur kabhi aur un ke zulm kabhi

hazar gham hain mohabbat mein ek jaan ke liye

KHarab-e-ishq bana kar tabah kar Dala

sitam na rah gaya jab koi aasman ke liye

wo raaz jis pe mohabbat ka hai madar ai dost

hamare dil ke liye hai teri zaban ke liye

jhuke wo ghair ke dar par bhala ye kab mumkin

jabin jo waqf rahi tere aastan ke liye

mizaj-e-dost mein 'jauhar' na inqalab aaya

rawa rahe hain sitam mujh se be-zaban ke liye