wafa ka git labon par mere saja bhi diya

vafā kā giit laboñ par mire sajā bhī diyā

harīm-e-dil pe nayā gul yuuñ ik khilā bhī diyā

sazā.eñ ham ne jo paa.ī haiñ is mohabbat meñ

gila kiyā bhī nahīñ aur sab bhulā bhī diyā

qarār de ke kiyā us ne be-qarār hameñ

charāġh dil meñ vafā kā jalā bujhā bhī diyā

tabīb ban ke davā dard kī vo de na sakā

salīqe se vo hameñ zahr-e-ġham pilā bhī diyā

jo sang-dil ho nahīñ pyaar se kabhī tafta

qabā-e-mom the ham aur hameñ jalā bhī diyā

wafa ka git labon par mere saja bhi diya

harim-e-dil pe naya gul yun ek khila bhi diya

sazaen hum ne jo pai hain is mohabbat mein

gila kiya bhi nahin aur sab bhula bhi diya

qarar de ke kiya us ne be-qarar hamein

charagh dil mein wafa ka jala bujha bhi diya

tabib ban ke dawa dard ki wo de na saka

saliqe se wo hamein zahr-e-gham pila bhi diya

jo sang-dil ho nahin pyar se kabhi tafta

qaba-e-mom the hum aur hamein jala bhi diya