wafa ka zikr hi kya hai jafa bhi ras aae

vafā kā zikr hī kyā hai jafā bhī raas aa.e

vo muskurā.e to jurm-e-ḳhatā bhī raas aa.e

vatan meñ rahte haiñ ham ye sharaf hī kyā kam hai

ye kyā zarūr ki āb-o-havā bhī raas aa.e

hatheliyāñ haiñ tirī lauh-e-nūr kī mānind

ḳhudā kare tujhe rañg-e-hinā bhī raas aa.e

davā to ḳhair hazāroñ ko raas aa.egī

maza to jiine kā jab hai shifā bhī raas aa.e

to phir ye aadmī ḳhud ko ḳhudā samajhne lage

agar ye umr-e-gurezāñ zarā bhī raas aa.e

ab is qadar bhī na kar justajū-e-āb-e-baqā

gul-e-hunar hai to bād-e-fanā bhī raas aa.e

ye terā rañg-e-suḳhan terā bāñkpan ai 'shāz'

ki sher raas to aa.e anā bhī raas aa.e

wafa ka zikr hi kya hai jafa bhi ras aae

wo muskurae to jurm-e-KHata bhi ras aae

watan mein rahte hain hum ye sharaf hi kya kam hai

ye kya zarur ki aab-o-hawa bhi ras aae

hatheliyan hain teri lauh-e-nur ki manind

KHuda kare tujhe rang-e-hina bhi ras aae

dawa to KHair hazaron ko ras aaegi

maza to jine ka jab hai shifa bhi ras aae

to phir ye aadmi KHud ko KHuda samajhne lage

agar ye umr-e-gurezan zara bhi ras aae

ab is qadar bhi na kar justaju-e-ab-e-baqa

gul-e-hunar hai to baad-e-fana bhi ras aae

ye tera rang-e-suKHan tera bankpan ai 'shaz'

ki sher ras to aae ana bhi ras aae