wafa ka zikr ho be-mehri-e-butan ki tarah

vafā kā zikr ho be-mehrī-e-butāñ kī tarah

yahāñ ḳhulūs bhī arzāñ hai naqd-e-jāñ kī tarah

kabhī jo hāl-e-dil-e-ḳhūñ-chakāñ kā zikr chale

sunā.iye unheñ rūdād-e-dīgarāñ kī tarah

saroñ ke chāñd farozāñ haiñ rāh-e-ulfat meñ

chamak rahī hai zamīñ aaj kahkashāñ kī tarah

kisī masīh ke qadmoñ kī āhaTeñ sun kar

salīb jhuum uThī shāḳh-e-āshiyāñ kī tarah

kahāñ se lā.iye rānā.ī-e-ḳhayāl 'shamīm'

subū-e-dil bhī hai ḳhālī subū-e-jāñ kī tarah

wafa ka zikr ho be-mehri-e-butan ki tarah

yahan KHulus bhi arzan hai naqd-e-jaan ki tarah

kabhi jo haal-e-dil-e-KHun-chakan ka zikr chale

sunaiye unhen rudad-e-digaran ki tarah

saron ke chand farozan hain rah-e-ulfat mein

chamak rahi hai zamin aaj kahkashan ki tarah

kisi masih ke qadmon ki aahaTen sun kar

salib jhum uThi shaKH-e-ashiyan ki tarah

kahan se laiye ranai-e-KHayal 'shamim'

subu-e-dil bhi hai KHali subu-e-jaan ki tarah