wafa ki aaKHiri manzil bhi aa rahi hai qarib

vafā kī āḳhirī manzil bhī aa rahī hai qarīb

jo us jagah bhī na tū mil sake to mere nasīb

fuġhān-e-Haqq-o-sadāqat kā marhala hai ajiib

dabe to band-o-salāsil uThe to dār-o-salīb

tire ḳhayāl kā maskan chaman chaman kā safar

mirī vafā kā nasheman faqat dayār-e-habīb

nazar se bach ke mile haiñ vo bārhā mujh ko

hazār baar huā hai ye dil nazar kā raqīb

ulajh na jaa.eñ kahīñ aur dil ke afsāne

kahāñ hadīs-e-mohabbat kahāñ bayān-e-ḳhatīb

na jaane kaun sī shai chashm-e-ġhamgusār meñ thī

ki jis ko dekh ke larzāñ huā hai dast-e-tabīb

abhī fasurda hai saaqī tirā 'tabassum'-e-lab

kisī kī yaad ko le aao mai-kade ke qarīb

wafa ki aaKHiri manzil bhi aa rahi hai qarib

jo us jagah bhi na tu mil sake to mere nasib

fughan-e-Haqq-o-sadaqat ka marhala hai ajib

dabe to band-o-salasil uThe to dar-o-salib

tere KHayal ka maskan chaman chaman ka safar

meri wafa ka nasheman faqat dayar-e-habib

nazar se bach ke mile hain wo barha mujh ko

hazar bar hua hai ye dil nazar ka raqib

ulajh na jaen kahin aur dil ke afsane

kahan hadis-e-mohabbat kahan bayan-e-KHatib

na jaane kaun si shai chashm-e-ghamgusar mein thi

ki jis ko dekh ke larzan hua hai dast-e-tabib

abhi fasurda hai saqi tera 'tabassum'-e-lab

kisi ki yaad ko le aao mai-kade ke qarib