wafa ki diwali manane lage hain

vafā kī divālī manāne lage haiñ

mire dil ko vo jagmagāne lage haiñ

junūñ ko mire gudgudāne lage haiñ

vo is vaqt hañsne hañsāne lage haiñ

chaman us kī tāsīr se ban gayā dil

vo mujh se nigāheñ milāne lage haiñ

tamannā pe merī shabāb aa rahā hai

badan vo adā se churāne lage haiñ

ab un ko kiyā ham ne majbūr-e-ulfat

ab in'ām ham un se paane lage haiñ

fazāoñ pe rangat khilī jā rahī hai

vo nazdīk-tar mere aane lage haiñ

'suhail' 'ishq meñ un se pangā ġhalat thā

vo chhakke hamāre chhuḌāne lage haiñ

wafa ki diwali manane lage hain

mere dil ko wo jagmagane lage hain

junun ko mere gudgudane lage hain

wo is waqt hansne hansane lage hain

chaman us ki tasir se ban gaya dil

wo mujh se nigahen milane lage hain

tamanna pe meri shabab aa raha hai

badan wo ada se churane lage hain

ab un ko kiya hum ne majbur-e-ulfat

ab in'am hum un se pane lage hain

fazaon pe rangat khili ja rahi hai

wo nazdik-tar mere aane lage hain

'suhail' 'ishq mein un se panga ghalat tha

wo chhakke hamare chhuDane lage hain