وفا کی راہ میں دشواریاں ہیں (ردیف .. ے)

وفا کی راہ میں دشواریاں ہیں

لبوں پر عشق کی گلکاریاں ہیں

ہزاروں بندشیں ہیں خواہشوں پہ

جہان دل کی بھی تیاریاں ہیں

سبب اس شاخ گل کے ٹوٹنے کا

ہوائے تند کی مکاریاں ہیں

ابھی تک رنج سے فارغ نہیں دل

ابھی تک عشق میں غم خواریاں ہیں

ملائی آنکھ جا کر موت سے تب

تمہارے گھر میں یہ کلکاریاں ہیں

خلوص دل ہمارا کم نہیں ہے

طبیعت میں مگر خودداریاں ہیں

رہی ہے صاحبہؔ تو سادگی میں

دلوں کے کھیل میں عیاریاں ہے