wafa ki rah mein dushwariyan hain

vafā kī raah meñ dushvāriyāñ haiñ

laboñ par ishq kī gulkāriyāñ haiñ

hazāroñ bandisheñ haiñ ḳhvāhishoñ pe

jahān-e-dil kī bhī tayyāriyāñ haiñ

sabab us shāḳh-e-gul ke TūTne kā

havā-e-tund kī makkāriyāñ haiñ

abhī tak ranj se fāriġh nahīñ dil

abhī tak ishq meñ ġham-ḳhvāriyāñ haiñ

milā.ī aañkh jā kar maut se tab

tumhāre ghar meñ ye kilkāriyāñ haiñ

ḳhulūs-e-dil hamārā kam nahīñ hai

tabī.at meñ magar ḳhuddāriyāñ haiñ

rahī hai 'sāhiba' to sādgī meñ

diloñ ke khel meñ ayyāriyāñ hai

wafa ki rah mein dushwariyan hain

labon par ishq ki gulkariyan hain

hazaron bandishen hain KHwahishon pe

jahan-e-dil ki bhi tayyariyan hain

sabab us shaKH-e-gul ke TuTne ka

hawa-e-tund ki makkariyan hain

abhi tak ranj se farigh nahin dil

abhi tak ishq mein gham-KHwariyan hain

milai aankh ja kar maut se tab

tumhaare ghar mein ye kilkariyan hain

KHulus-e-dil hamara kam nahin hai

tabiat mein magar KHuddariyan hain

rahi hai 'sahiba' to sadgi mein

dilon ke khel mein ayyariyan hai