wafa ki shama jalao ki hum ghazal kah len

vafā kī sham.a jalāo ki ham ġhazal kah leñ

udaas raat hai aao ki ham ġhazal kah leñ

kisī ke saath guzāre hue hasīñ lamho

tum aaj yaad to aao ki ham ġhazal kah leñ

bikhere jaao fazāoñ meñ aaj tum naġhme

sunāo giit sunāo ki ham ġhazal kah leñ

tumhāre husn kā charchā hai chāñd-tāroñ meñ

kabhī zamīn pe aao ki ham ġhazal kah leñ

kisī kī yaad kī mash.al jalā jalā ke 'asar'

añdherā ġham kā miTāo ki ham ġhazal kah leñ

wafa ki shama jalao ki hum ghazal kah len

udas raat hai aao ki hum ghazal kah len

kisi ke sath guzare hue hasin lamho

tum aaj yaad to aao ki hum ghazal kah len

bikhere jao fazaon mein aaj tum naghme

sunao git sunao ki hum ghazal kah len

tumhaare husn ka charcha hai chand-taron mein

kabhi zamin pe aao ki hum ghazal kah len

kisi ki yaad ki mashal jala jala ke 'asar'

andhera gham ka miTao ki hum ghazal kah len