wafa-shanas mohabbat-shanas hai hi nahin

vafā-shanās mohabbat-shanās hai hī nahīñ

isī liye mujhe duniyā se aas hai hī nahīñ

ai dasht-e-jabr-o-jafā chal uThā furāt lapeT

mire qabīle ko paanī kī pyaas hai hī nahīñ

ajiib fasl-e-bahārāñ hai bāġh-e-hastī meñ

kisī bhī peḌ ke tan pe libās hai hī nahīñ

ye arsh vāloñ kā qissa hai farshiyoñ kā nahīñ

zamīñ pe koī vilāyat-shanās hai hī nahīñ

tamām log rivāyāt ḳhud se ghaḌ rahe haiñ

kisī ko merī vasiyyat kā paas hai hī nahīñ

tamām sheroñ meñ talḳhī hayāt kī hai 'razā'

mirī ġhazal meñ to koī miThās hai hī nahīñ

wafa-shanas mohabbat-shanas hai hi nahin

isi liye mujhe duniya se aas hai hi nahin

ai dasht-e-jabr-o-jafa chal uTha furaat lapeT

mere qabile ko pani ki pyas hai hi nahin

ajib fasl-e-bahaaran hai bagh-e-hasti mein

kisi bhi peD ke tan pe libas hai hi nahin

ye arsh walon ka qissa hai farshiyon ka nahin

zamin pe koi wilayat-shanas hai hi nahin

tamam log riwayat KHud se ghaD rahe hain

kisi ko meri wasiyyat ka pas hai hi nahin

tamam sheron mein talKHi hayat ki hai 'raza'

meri ghazal mein to koi miThas hai hi nahin